Encontros coa BMMC

Gallaecia Big Band, a Big Band de Galicia formada por 15 artistas, caracterízase pola súa potencia visual e sonora e leva varios anos amenizando eventos de gran nivel como a Gala do Cancro, conferencias, entrega de premios e varias intervencións en numerosos programas da TVG. O repertorio para este concerto de colaboración está formado por cancións de sempre no que se tocarán varios estilos musicais como mambos, boleros, chachachás ou swing, como no caso de New York, New York ou clásicos galegos como Negra sombra. Todos os arranxos para a banda foron realizados polo director de Gallaecia Big Band, Cristian Leggiero, e seranlle facilitados á banda para a realización do concerto.

Para esta ocasión, Gallaecia Big Band ofrece a 8 artistas, os seus solistas e 2 cantantes:

• José Luis Miranda, trombón solista
• Hansel Luis Díez, trompeta solista
• Pablo Castaño, saxo solista
• Carlos Bastón, batería
• Pachi Cruz, contrabaixo
• Cristian Leggiero, dirección, arranxos e piano
• Paty Lesta, cantante
• Toño Otero, cantante e saxo