O Grand Ballet Ruso foi fundado polas grandes escolas Rusas de Moscova, San Petersburgo e Kiev. Os principais bailaríns son os máis cualificados das grandes compañías e academias de ballet. Hoxe, O Grand Ballet Ruso é unha institución con máis de 50 brillantes bailaríns. O seu director artístico, Constantin Pinchuk, está dedicado á tradición do Ballet Ruso Clásico. Gañouse unha reputación de talento e versatilidade viaxando por todo o mundo cos ballets tradicionais e con divertimentos máis curtos. O repertorio do Gran Ballet Ruso contén obras mestras da coreografía mundial tales como: Giselle, O lago dos cisnes, O Cascanoces, Don Quixote, A Bela Dormente e outros.

A Orquestra Filarmónica de Moldavia con sede en Chisinau fundouse fai setenta e cinco anos, o que a converte nunha das máis vellas institucións musicais de Moldavia e a leva a ser depositaria do legado cultural moldavo, clásico e popular. Actualmente, a orquestra, dirixida por Mihail Agafita, converteuse nun soporte para todo tipo de producións artísticas, sendo esencial para óperas, ballets e para sesións de masterclass. Ao longo da súa historia, gravou un gran número de pezas para películas, aínda que tamén interpretou pezas modernas. A orquestra está formada por profesores, graduados das academias musicais e conservatorios de Moldavia, Ucraína e Rusia.