O alumnado dos "Talleres de teatro" do Programa de Lecer do Forum Metropolitano realízanlle unha homenaxe á escritora e poeta Gloria Fuertes con motivo do centenario do seu nacemento. Coordinados pola súa profesora Matilde Blanco, as persoas participantes en "A arte de falar" lerán algúns textos da madrileña, mentres que os de "A arte de interpretar" representarán os seus poemas. A homenaxe centrarase na súa obra para persoas adultas, aínda que haberá algunha chiscadela aos seus poemas infantís.