Concerto de Jazz con Sumrrá. 

É a formación cunha das traxectorias máis sólidas e constantes da escena jazzística española, cunha gran proxección internacional, como certifican as súas xiras por festivais de Bolivia, Bulgaria ou Sudáfrica.

Sumrrá formouse no ano 2000 e ata hoxe deixaron atrás centos de concertos e catro discos, dous deles en directo. Desde os seus inicios, Sumrrá cativou á crítica e  ao público cun jazz inclasificable, melódico e moi aberto, destacando a orixinalidade das súas composicións, a calidade dos seus integrantes e a frescura dos seus directos.

Sumrrá non entende de modas, de etiquetas, nin de estilos. Pasaron 13 anos, que no jazz é moito tempo, desta feliz reunión, e o trío continúa reinventándose e alimentándose dos proxectos paralelos dos seus compoñentes.