O sábado 8 de novembro, de 11-13 h., celebramos o International Games Month (IGM) na Biblioteca Municipal Durán Loriga cunha sesión de xogos para rapazada de 6 a 12 anos.

Un ano máis, formaremos parte do IGM sumámonos á iniciativa promovida pola American Library Association (ALA), coa idea de "reconectar ás comunidades a través das súas bibliotecas arredor do valor educativo, recreativo e social de todo tipo de xogos". Na biblioteca apostamos polos xogos de mesa e o seu disfrute.

Podedes inscribirvos á actividade, adaptada e deseñada en función do perfil e idades dos participantes, para coñecer e practicar diversos xogos de mesa que seleccionamos previamente.

As partidas terán unha duración de ata 30 minutos, para que sexan áxiles e dinámicas, e estarán dinamizadas por monitores de Metrópolis Cómics.