O sistema inmunitario ocúpase de defendernos fronte a ataques externos, por exemplo infeccións. É un sistema perfecto para detectar substancias estrañas, eliminar microorganismos e reparar os danos. Con todo, nalgunhas ocasións falla, matando células sas e provocando enfermidades autoinmunitarias.

Nesta charla, a investigadora Iria Gómez explicará por que ocorre isto e que se pode facer para convencer ao sistema inmunitario de que volva ao seu estado normal.