Trala estupenda acollida de público e crítica de Sea ahead (FreeCode JazzRecords 2016), o segundo traballo como líder do contrabaixista compostelán Alfonso Calvo, chega agora Monday mood, publicado por TinyMoon Records en 2020 . As composicións exploran as enormes posibilidades arranxísticas dun ensemble de formato medio coma este, con referencias evidentes ao hard bop e ao jazz modal, guiños á música brasileña e o flamenco, sen perder o enfoque persoal. O septeto ten participado no Festival de Jazz de Rianxo, BurgoJazz, Festival de Jazz de Lugo, ImaxinaSons-Festival de Jazz de Vigo, Temple Jazz Festival de Cambre, BetanJazz-Festival de Jazz de Betanzos, Festival de Jazz de Noia e Festival de Jazz de Moaña.