_{Sen título 2017 é a exposición que inaugura a tempada en Vilaseco, do artista portugués João Gabriel (1992, Leiria), e é a primeira mostra individual que realiza o creador en España. Terá lugar o xoves 21 de setembro ás 20.30 h na galería Vilaseco da Coruña. João Gabriel vive e traballa en Caldas de Rainha. É un dos seis finalistas do Prémio Novos Artistas Fundação EDP, por ese motivo actualmente a súa obra pódese ver nunha exposición colectiva no MAAT, Museo de Arte, Arquitectura e Tecnoloxía de Lisboa. Igualmente participa no proxecto colectivo Quatro Elementos, na Galería Municipal de Porto por invitación do comisario Pedro Faro. A pintura de João Gabriel, caracterizada pola influencia do cinema dos anos 70 , presta especial atención ao corpo masculino e representa frecuentemente escenas eróticas. Contaremos coa presenza do artista para inaugurar a mostra. Agardámosvos!}