Un espectáculo cheo de simbolismos, desde o vestiario ata a escenografía, que logra unha estética limpa e cativadora como é caracterísitico no mundo da moda, todo isto arroupado pola elegante iluminación de Nacho Martín.

Nesta nova produción, baixo a dirección de Anahí Taraburelli apostan por unha linguaxe teatral que navega polo surrealismo posmodernista, reflectindo a nosa sociedade: creadora e vítima do liberalismo, que ten présa por chegar a ningún lado e consome egoísta e cegamente sen pensar nas consecuencias. Tres actores en escena representando conceptos e personaxes universais xogan coa danza, o texto, o xesto e os tecidos nun intento de romper coas lóxicas establecidas.

JoeJufy, The Hunter convídanos a viaxar por un mundo no que as ideas se transforman en corpos e obxectos, habitando a crúa realidade a través dunha traxicomedia baseada no movemento e a palabra.

Idea orixinal e dramaturxia: Anahí Taraburelli, Héctor Martínez, Julia Laport e Lucía Barcos

Con Héctor Martínez, Julia Laport, Lucía Barcos

Dirección: Anahí Taraburelli

VENDA DE ENTRADAS:

• www.ataquilla.com
• Despacho de billetes da praza de Ourense (excepto festivos): de luns a venres, de 11.00 a 15.00 h e de 16.30 a 19.30 h.
• Despacho de billetes do Fórum Metropolitano: desde 1 hora antes do comezo da función (sempre que queden entradas dispoñibles)