Espectáculo familiar, recomendado a partir de 6 anos.

Unha lambetada é un doce, algo saboroso, que se come por gusto.

Pero tamén é a acción de pasar a lingua buscando un efecto agradable.

Partindo da dobre acepción da palabra elaboraremos un doce e gorentoso espectáculo teatral, pasando a lingua amodiño, con deleite, sobre unhas historias que nos deixarán un doce sorriso nos beizos.

Mediante o xogo escénico e o humor, os dous protagonistas han pasar por diversas situacións cómicas e encarar múltiples personaxes con diferentes oficios de disciplinas; para acabar descubrindo que a identidade está na propia lingua, porque con ela pódense saborear as lambetadas mais doces e variadas.

Compañía: Talía Teatro

Idioma: galego

Intérpretes: María Ordóñez e Diego Rey

Dirección: Santiago Cortegoso

Adaptación, escenografía e iluminación: Dani Trillo

VENDA DE LOCALIDADES

• Venda en liña corunacultura.sacatuentrada.es
• Venda telefónica: 662 867 109
• Venda no despacho de billetes do Fórum Metropolitano: unicamente días de función desde unha hora antes (sempre que queden localidades dispoñibles)
• Venda no despacho central da praza de Ourense: de luns a xoves de 10.00 h a 14.00 h e de 15.00 h a 18.00 h e venres de 10.00 h a 15.00 h (agás festivos)