Como é o día a día dun artista antes de saír ao escenario? Esta é a historia que Leo Harlem, Sinacio e Sergio Olalla queren contar en Hasta aquí habemos llegao. Unha comedia que che garante pasar un bo intre durante os 90 minutos que dura a actuación. "Te reirás como se non houbese un mañá', afirman desde a produtora.

O show estreouse en outubro en Madrid cun enorme éxito de crítica e público. Uns monólogos inundados pola risa e guiados polo gran Leo Harlem, que che farán gozar das situacións máis insospeitadas polas que ten que pasar un cómico antes de cada bolo. O popular monologuista comparte escenario con dous vellos coñecidos, Sinacio e Sergio Olalla, que xa colaboraron con el en #TrendingTronching.