'Las amígdalas de mis amígdalas son mis amígdalas' é un espectáculo de stand up comedy creado e protagonizado por Luis Piedrahita. Esta vez o polifacético artista quere subirse ao escenario para demostrar que só se vive unha vez... e que é esta. Moita xente di 'só se vive unha vez, que gana teño de que chegue' Erro! Este espectáculo ensínanos que a vida é coma un hotel: un sitio no que imos estar pouco tempo e temos que levarnos todo o que poidamos. Luis móstranos as nosas miserias diarias para que riamos delas: o seu humor recoñecible e cotián ensínanos a desactivar a envexa, o egoísmo, a desconfianza... En 'Las amígdalas de mis amígdalas', Luis constrúe un mundo no que todas esas miserias seguen existindo pero lonxe de xerar sufrimento e proído, desatan as gargalladas máis liberadoras.

Neste espectáculo, Luis Piedrahita reflexiona sobre as esponxas de baño, as couzas, os ascensores, os hoteis... Luis atopa motivos para a reflexión en cada un destes temas e un paralelismo inevitable coa alma humana. Luis convídanos a acompañalo durante case hora e media de show, de risas e emocións, conseguido todo iso sen máis artificios que a súa personalidade, a súa voz e o seu corpo. Stand up comedy xenuíno.

Non queremos ocultar que deste espectáculo díxose que é unha das obras máis enxeñosas, brillantes e poéticas do século XXI. O que si queremos ocultar é que foi o propio Piedrahita o que o dixo.