O luns 16 de xaneiro ás 19.00 h, Paula C. Frías presentará o seu libro "Historias para vivir, mi viaje hacia la locura", na Biblioteca Fórum Metropolitano.

"Historias para vivir: mi viaje hacia la locura" é un libro no que a autora narra de forma persoal o seu camiño a través da depresión, a ansiedade e un trastorno alimenticio.

O prólogo da obra está escrito por Luís Ferrer i Balsebre, psiquiatra do CHUAC e para quen "Historias para vivir" é un documento biográfico que mostra de maneira sinxela, fresca e sincera, o padecemento de moitos pacientes que teñen que batallar a diario cos síntomas psíquicos e o estigma que estes aínda teñen na sociedade.

Paula C. Frías (Autora)

Paula C. Frías (Madrid, 1979) é licenciada en Filoloxía Inglesa (U. de Salamanca). Despois de realizar estudos na Escola de Cinema e Audiovisuais de Madrid (ECAM) e a New York Film Academy (NYFA, U. de Harvard), trasladouse a Londres, onde comezou a traballar como axudante de dirección de cinema. Entre outras, participou nas seguintes películas: Kingsman (2014), Star Wars VII (2015), Alicia a través do espello (2016), Jason Bourne (2016), Wonder Woman (2017), Colette (2018), Maléfica (2019), O magnífico Iván (2020), Fundación (2021), The English (2022). Dirixiu diversas curtametraxes: Behind the child, Save me, E o Goya é para..., White Darkness, 4ymedia e Chicken. Desde o ano 2008, escribe no seu blog, onde narra as súas experiencias persoais desde que chegou a Londres ata a actualidade cun ton sarcástico e sempre cheo de humor.