O luns 8 de abril ás 19.00 h na Biblioteca Municipal Fórum Metropolitano teremos a presentación do libro "Perderse, encontrarse y volver" de Diana Etchegoyen, publicado pola Editorial Cuadranta.

A autora estará acompañada do xornalista Santiago Estévez.

SINOPSE:

Perderse, encontrarse y volver

Obra que convida a viaxar e a soportar a vida desde unha perspectiva posmoderna, ás veces con imaxes crúas, cun eu poético desesperado que trata de atoparse co que queda del nun mundo que o asfixia pola súa ferocidade e a súa velocidade. Abundan as imaxes da vida cotiá, sobre o amor, o traballo e o rol da muller no mundo. A medida que avanza a obra, tanto o lector como o eu poético van comprendendo que é posible volver sentirse na casa e ver o mundo como un lugar seguro.

BIOGRAFÍA:

Diana Rodríguez Etchegoyen

Nada en Buenos Aires en xaneiro de 1993 emigrou, como tantos outros, a España ao principio dos anos 2000. Dedicada nun principio á investigación en Dereito Constitucional, a cal a levou a residir en diferentes cidades do país. Valencia, Málaga, Toledo, A Coruña son algúns dos escenarios nos que empeza a experimentar coa escritura creativa en distintos obradoiros despois dunha etapa de depresión. Presenta a súa primeira obra, "Perderse, encontrarse y volver" como resultado dun ano completo de traballo e reflexión persoal.