Luz Casal presenta en xira o seu novo disco Me voy a permitir, o traballo máis ecléctivo e inclasificable da súa carreira, no que se concede o antollo de mostrar dez caras, tantas como cancións: dez actitudes, dez miradas, dez formas de entender o mundo. Móvese coa liberdade de quen xa non ten que demostrar nada. Ensina as súas cartas como dama da chanson francesa e voz contemporánea do cancioneiro latinoamericano. Como cronista do cotián e rockeira que xamais colgou os pantalóns de coiro.

Xa o advertiu Pablo Guerreiro: Luz pode acariñar como a seda ou desgarrar como os cairos dun animal ferido. Capaz de cantar dende o despeito ou a esperanza, canalla ou luminosa, libérrima sempre.

Este novo espectáculo, é unha ponte entre pasado e futuro, certifica a súa dobre condición de compositora intuitiva e talentosa e intérprete excepcional, capaz non só de cantar senón de habitar as cancións, sexan súas ou alleas.

Allea á pirotecnia e os artificios, permítese non seguir máis sinais que as do seu propio instinto, unha liberdade que lle brindou a admiración do público, o respecto da crítica e a complicidade dos seus colegas, un triplo recoñecemento que se produce en contadas ocasións.

Luz Casal estará acompañada por: Tino di Geraldo, Jorge F. Ojea, Peter Oteo, JM Baldoma "Baldo" e Borja Montenegro.

VENDA DE LOCALIDADES

• Venda en liña: Ataquilla.com
• Venda no despacho de billetes do Palacio da Ópera: unicamente o día do concerto
• Venda no despacho de billetes central da praza de Ourense: de luns a venres (excepto festivos) das 11.00 ás 15.00 h e das 16.30 ás 19.30 h.