Avalado por máis de 450.000 espectadores, incluíndo os 130.000 que o gozaron no Teatro Calderón de Madrid nesta tempada.

LA GRAN ILUSIÓN é o espectáculo para todos os públicos mellor valorado polos espectadores, que combina humor, unha excelente técnica en manipulación de obxectos, unha fantástica selección musical e unha maxia orixinal e impactante que comunica a través do absurdo. A súa posta en escena inclúe unha gran pantalla e medios audiovisuais para unha perfecta inmersión de todos os espectadores no espectáculo.

A maxia de Antonio Díaz transcendeu fronteiras e culturas, sorprendendo a personaxes como Stephen Hawking, Neymar, Eva Longoria, Antonio Banderas ou Carlos Slim, entre outros, e anticipando o seu brillante futuro internacional.