Textos de Félix Sabroso, Enrique Gallego e a propia San Juan altérnanse neste "one woman show". Son textos nos que a actriz desprega todo o seu saber facer metendo o público no peto desde o minuto un. Os múltiples paradigmas vitais que asexan os seres de hoxe, desde a soidade ao amor, pasando pola enfermidade, a morte ou o egocentrismo. Unha introdución que vén ser unha declaración de principios, unha damiña inocente que nos conta a historia do seu matrimonio coa cabeza do seu marido na man, coñeceremos a irmá xemelga de Antonia San Juan, que por certo non soporta a súa irmá e envexa a súa fama e éxito internacional, poemas, o amor, a soidade, o devir... a vida.