A súa nai Stefania é unha muller encantadora pero asfixiada polas convencións burguesas; o seu pai Vincenzo ten unhas expectativas desorbitadas sobre os seus fillos; a súa irmá Elena unha ama de casa frustrada; o seu irmán Antonio traballa co seu pai na fábrica de pasta; e por último está a súa rebelde avoa, atrapada no recordo dun amor imposible. Tommaso, aspirante a escritor, volve a casa para unha importante cea familiar na que o seu pai lles entregará a dirección da fábrica ao seu irmán e a el. Resolto a facer valer as súas eleccións persoais, Tommaso planea anunciar na cea que é gay. Pero esa noite, cando se dispón a pedir silencio, adiántaselle o seu irmán quen para sorpresa de todos desvela o seu propio segredo.

Director: Ferzan Ozpetek.

Intérpretes: Lunetta Savino, Ricardo Scamarcio.

Italia, 2010 - 117 min.

(V.O.S. en castelán) - Formato: 35 mm.

TODOS OS PÚBLICOS