A exposición consta de 131 fotografías orixinais en distintos formatos representativas dos principais gabinetes da cidade. Retratos de homes, mulleres e nenos, individuais e en grupo. Tamén, un conxunto de obxectos ata completar case 180 pezas, entre as que caben suliñar miniaturas e daguerrotipos, ademais pezas da época. Contextualiza física e cronolóxicamente, catro reproducións fotográficas das rúas da Coruña e dúas grandes vistas da cidade que enmarcan o periodo estudado.

A mostra pretende dar difusión a unha parte do rico patrimonio documental que custodia o Arquivo Municipal, homenaxear aos doantes que axudaron a conformalo e dar a coñecer unha parte importante da nosa historia. Para iso editouse un catálogo da exposición que conta con dous estudos, un escrito polos comisarios e outro do que é autor Alfredo Sellier.