Se o queres pasar ben...... atrévete a internarte nun mundo fantástico, cheo de sorpresas, onde todo é posible... un museo da nosa cidade virá ao Fórum por unha noite. Os obxectos, os personaxes... estarán no Fórum para facer da nosa noite unha velada divertida e única pero ollo!, as cousas non son o que asemellan...

Viste con espírito aventureiro e prepárate para vivir unha noite divertida na que nada vai ser o que parece.

Explora os recunchos do Fórum para axudar a encontrar e descubrir os personaxes e os segredos que esconde un dos museos máis emblemáticos da nosa cidade trasladado ao Fórum

Demostra o teu valor realizando as aventuras máis intrépidas e aloucadas xamais vividas.

Goza dunha noite incrible, onde, por raro que pareza, todo pode acontecer.

Requisitos para participar na actividade

• Nenas e nenos nacidos entre 2004 e 2010
• Aboar a cota de inscrición no prazo indicado e en efectivo

Inscrición: para as nenas e nenos que están nas actividades do programa de lecer de ambos os centros: na conserxaría do Fórum Metropolitano ou de Ágora, do 29 de outubro ao 5 de novembro (incluídos), de 9.00 a 20.00 h, de luns a venres e os sábados de 9.00 a 13.30 h

Para as demais persoas interesadas: a partir do luns 7 de novembro, por rigorosa orde de inscrición.

Prazas limitadas (150 participantes). Se non se cubriren un mínimo de 100 prazas, suspenderase a actividade e devolveráselles o importe da inscrición.