O Cuarto Propio é o club de lectura feminista da Rede de Bibliotecas Municipais da Coruña, que se reúne cunha periodicidade mensual na Biblioteca Ágora arredor do libro e a lectura para cambiarmos o mundo.

Este club vén a completar un amplo catálogo de accións de promoción da lectura, da igualdade e a diversidade que desde as bibliotecas ofrecemos como o centro de interese de xénero e feminismos ou o club de lectura LGTB QUEERuña.

Nos encontros mensuais falaremos e reflexionaremos, tomando os libros -que facilitará a biblioteca- como punto de partida sobre as novas formas de familia, o feminismo, a importancia dos coidados ou, entre outras cousas, as mulleres que cambiaron o mundo.