O mércores 2 de novembro ás 18.30 h. na Biblioteca Fórum Metropolitano temos o obradoiro "Coidándonos Xuntos" para rapazada de 9 a 14 anos impartido por Tamara Pazos.

Este obradoiro está enfocado á prevención de riscos para a saúde. Pero no canto de falar das cousas malas, aprenderemos con experimentos como funciona o noso corpo na dixestión, durante o descanso e durante a actividade física. Con respecto a esta última darase especial atención á importancia do adestramento de forza tamén en mulleres, xa que historicamente foron apartadas destas prácticas tan saudables.

Ademais, nas partes máis teóricas darase visibilidade ás investigadoras e comunicadoras que hai detrás destas investigacións.

Convidámosvos a un obradoiro no que Tamara Pazos falará de como as condutas saudables practicadas dende pequenos poden axudar a que na idade adulta lles resulte máis sinxelo coidarse.

Traballaremos a través de conversas e actividades sobre como protexer a nosa atención, uso de redes sociais, hábitos de sono ou a alimentación.

Esta actividade está pensada para que as nais e pais non so sexan acompañantes, senón para que aprendan e desfruten cos seus fillos e fillas.