Obradoiro de coiro: elabora unha peza personalizada.

María Luisa Mira (Mestra de obradoiros de artesanía)

• Mércores 5 de marzo ás 18:30 h.

• Inscrición previa desde o 26 de febreiro ás 10 h.

• Dirixido a público xuvenil e adulto. (+ 14 anos)

A arte do coiro foi transmitido de xeración en xeración, preservando técnicas ancestrais e coñecementos que se remontan a séculos atrás. É un oficio que require de moita dedicación e paixón, pero que tamén ofrece moitas satisfaccións persoais.

Este obradoiro está deseñado para permitir ás persoas participantes coñecer as técnicas, materiais e ferramentas dun oficio tradicional como é o traballo do coiro moi ligado ao mundo rural. Falaremos das diferentes técnicas como: o repuxado, o labrado, o gravado, o modelado, o tinguido, o cosido e o ensamblado, e tamén dos distintos tipos de coiro que se empregan segundo a súa orixe, o seu curtido e o seu acabado.

As persoas asistentes terán a oportunidade de elaborar e personalizar unha peza de coiro, tipo chaveiro cun deseño clásico ou moderno, todo dependerá da imaxinación e a creatividade de cada participante.