Obradoiro Express de Novela Gráfica

Neste obradoiro achegarémonos ó proceso creativo do comic e ós diversos enfoques e temáticas da novela gráfica actual. Cada asistente fará un pequeno proxecto persoal de BD en 3 etapas: o concepto (idea e plantexamento), o relato (técnicas narrativas), e o debuxo (solucións gráficas).

Cada quén traerá o material de debuxo que prefira (papel ou tablet)

Este obradoiro será impartido por Alberto Guitián.

Alberto Guitián é licenciado en Belas Artes pola Universidade de Vigo.

 Fai ilustración para carteis, portadas, produto, libros e publicidade. Colaborador nas revistas de humor Mongolia, El Jueves, Mister K, Retranca e O Botafumeiro, tamén realiza fondos e storyboards de animación. Ten impartido máis de 50 obradoiros e clases maxistrais de BD e ilustración en Galicia e Cataluña.

Foi coordinador da Guía Ninja do ilustrador da AGPI. Ten publicado os volumes monográficos de BD e ilustración Fito & Pita (Retranca, 2009), Petaco (Diábolo, 2010; edición en francés en 2013),El Circo Lorza (Dibbuks, 2011) e Solo tinta (Polaqia, 2012).