Concello da Coruña

Concello da Coruña

Axenda | Evento

Opcións

Qué?
Cuándo?
Dónde?
Distancia (metros)
É necesario que proporcione a súa localización actual para usar esta opción

Obradoiro: O bosque das ánimas lectoras

Actividade enmarcada dentro do ciclo temático "O eu fabulando: onde termina a persoa e empeza a personaxe?"

A quen vai dirixido?:

Para nenos e nenas de 6 a 8 anos

A quen vai dirixido:

Infantil

Cando:

29/10/2026

Xa rematou

Inscricións:

Dende o 22/10/2026 ata o 28/10/2026

Require inscrición

Horario:

Das 18.00 ás 19.00 h

Duración:

1 h

Enderezo:

Biblioteca Municipal Fórum Metropolitano. Rúa Río Monelos 1. 15006 A Coruña

Contacto:

bforum@coruna.gal

Tel.: 981 184 298

O xoves 29 de outubro ás 18.00 h na Biblioteca Fórum Metropolitano temos o Obradoiro "O bosque das ánimas lectoras", dirixido para nenos e nenas de 6 a 8 anos.

Con motivo da programación de outono e dentro do ciclo temático dedicado á autoficción, a biblioteca propón "O bosque das ánimas lectoras", un taller que combina lectura, xogo e imaxinación como homenaxe á cosmogonía dos contos de fadas e aos seres misteriosos que habitan os bosques da literatura.

Inspirada no universo de En el bosque, de Ana María Matute, a actividade invita a descubrir o bosque como un territorio simbólico onde a realidade e a fantasía conviven. Nos contos tradicionais, o bosque é o lugar da transformación, do medo e do descubrimento; un espazo onde aparecen criaturas extraordinarias e onde cada camiñante atopa unha versión distinta de si mesmo.

Esta mirada dialoga coa tradición do Samaín, celebración do outono na que o mundo cotián se achega ao dos espíritos, os monstros e os seres invisibles. O cambio de estación, a caída das follas e o ambiente misterioso converten a biblioteca nun bosque encantado cheo de pistas, criaturas e relatos por descubrir.

A partir deste escenario, o taller introduce o concepto de autoficción dunha forma adaptada á infancia. Cada participante constrúe un personaxe monstruoso mesturando datos reais da súa propia identidade con elementos fantásticos atopados durante unha procura do tesouro literaria. O seu nome, os seus gustos, as súas cores favoritas ou calquera trazo cotián combínanse con poderes, criaturas, obxectos máxicos e paisaxes do bosque para lle dar vida a un novo habitante deste universo imaxinario.

Deste xeito, os nenos e as nenas descobren que a literatura non só inventa mundos, senón que tamén transforma a realidade. Eles mesmos convértense en protagonistas dunha historia onde a memoria privada, a tradición oral, os contos de fadas e o imaxinario do Samaín se entrelazan para crear un bosque habitado por ánimas lectoras.

Actividade con inscrición previa.

Tamén che pode interesar

Tamén che pode interesar...

Axenda

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión