OBRADOIROS MONOGRÁFICOS:

1. Sábado 16 de xullo:

XOIAS CASTREXAS: Os asistentes visitarán a sala da idade do ferro na que coñecerán diferentes exemplos de xoias castrexas, para a continuación elaborar un torques.

2. Sábado 23 de xullo:

PINTURA RUPESTRE: Os nenos coñecerán as técnicas e os motivos decorativos empregados polos homes e mulleres da Prehistoria para decorar as paredes das súas covas, para a continuación, empregando pintura de mans, crear a súa propia pintura rupestre.

. Sábado 30 de xullo:

SELO DE ALFAREIRO: TERRA SIGILLATA. Coñecerán as funcións, formas, decoracións e características particulares da cerámica romana coñecida como terra sigillata, a través das pezas expostas nas vitrinas do museo, para facer logo o seu propio selo de alfareiro tallado sobre goma.

. Sábado 6 de agosto:

MOSAICO ROMANO: Despois dunha breve explicación sobre a técnica musivaria e logo de coñecer varios exemplos no museo, os rapaces elaborarán un mosaico empregando os patróns e as teselas que se lles proporcionan.

. Sábado 13 de agosto:

CERÁMICA CASTREXA: tras achegarnos ás labores artesáns de fabricación de obxectos cerámicos dos nosos antepasados castrexos, os nenos modelarán coas súas mans un cacharro de barro, inspirándose en formas e decoracións das pezas orixinais que verán no museo.

. Sábado 20 de agosto:

EXÉRCITO ROMANO: Nunha primeira parte se visitarán as vitrinas dedicadas aos campamentos romanos, para converterse logo en lexionarios e centurións, construíndo o seu propio casco, espada e escudo.