Esta vocalista, pianista e compositora estará acompañada por unha banda formada polo coruñés Pablo Añón, o ferrolán Miguel Lamas e os cubanos Dany Noel e Sergio Delgado, no repaso polas once pezas que compoñen o seu traballo, aínda que tamén está previsto que ofreza algunhas versións doutros intérpretes. As súas cancións móvense entre o pop e o soul, con toques jazzísticos.

Para esta actuación contará con Nastasia Zürcher e Alejandro Rivera nos coros e coa colaboración da cantantes Carmen Rey e Ángeles Dorrio, e do violinista Javier Cedrón. Esta artista, que pasou a maior parte da súa vida en València e agora estableceuse en Madrid, ten un currículo no que se mesturan os estudos clásicos con formación en música moderna.