Un documental producido por Paula Quiroga e Lois Alcayde.

A historia dunha cidade, do seu primeiro alcalde democrático e a intrahistoria da procura da liberdade despois dunha era escura. A historia do traballador da rúa Marconi que tomou o bastón de mando O documental "Outra Coruña Posible: Domingos Merino" é un proxecto audiovisual independente -tanto en contidos coma en financiamento- dos xornalistas Paula Quiroga Rodríguez e Lois Alcayde Dans.

Paula Quiroga é a directora do mesmo, así como a co- guionista, co-produtora e encargada de imaxe, edición e post-produción, Lois Alcayde é co-guionista, co-produtor e encargado de comunicación e difusión. Ambos compaxinan o estudo do Grao en Xornalismo na USC con diversas ocupacións nos eidos do xornalismo en prensa e radio, a literatura, o audiovisuale a fotografía.