Editada pola Fundación Rosalía de Castro, Follas Novas nace con vocación de converterse nun referente dos estudos sobre a autora no ámbito internacional. Para cumprir este obxectivo a revista preséntase dividida en seis seccións - artigos, textos e documentos, recensións, bibliografía, varios e casa de Rosalía - que dalgunha maneira debuxan o perfil dunha publicación cultural que, aínda tendo o tema literario como fundamento, non renuncia a outras preocupacións propias da cultura e da socioloxía literarias: lectores/as, recepción, historiografía, sistema educativo etc.

O director da revista é Xosé Luís Axeitos, e o Consello de Redacción está formado por: Anxo Angueira, Xosé Carlos Beiró, Lydia Fontoira e María Pilar García Negro.

Ademais do director, Xosé Luís Axeitos, estarán na presentación Pilar García Negro, Patricia Carballal, Xosé A. Fraga Vázquez, Martín Pawley e Xabier Pérez Couto.