O venres 3 de xuño Paris Joel presentará o seu segundo libro "La aldaba del verano" na sala de adultos da Biblioteca Ágora. Un poemario publicado no ano 2020 pola Editorial Celya e composto por 49 pezas de rima libre a través das cales o cantautor e poeta expresa emocións e sentimentos universais como o amor, a morte, a vellez, o destino... nun marco temporal definido: o fin da primavera e o comezo do verán.

No evento, o autor estará acompañado pola escritora Ana Julia Martínez e o cantautor Félix Arias.

Sinopse (Editorial Celya)

Nestes versos, tan de Paris Joel, resoa imparable a música das súas cancións, ese rumor de mar que nos chega sempre das palabras dun poeta, un músico que segue a buscar na poesía do tempo a voz do corazón. Vive nesta poesía de aire e auga, tan sinxela como unha caricia, o encanto dos primeiros tempos, aqueles nos que fomos nenos buscando o paraíso. As luminarias desas noites máxicas, o campo, a sombra amable do verán. E sobre todo, o amor. O amor de carne e luz do poeta Paris Joel.