MARINEDA CITY celebrará o Día Internacional do Libro cunha actividade dirixida ao público familiar que combina a narración, a música e a interacción das persoas asistentes. Trátase de Principito 21, un espectáculo creado polo escritor, poeta e guionista, Pedro Ramos, a partir do libro de Saint-Exupery, na que o público elixe o desenvolvemento da historia. Ramos estará acompañado polo músico Manu Conde que xerará coa súa guitarra unha ambientación improvisada para esta viaxe por un dos libros máis entrañables da literatura de todos os tempos. A música en directo fará as veces de efectos sonoros creando unha atmosfera idónea para que toda a familia goce dunha obra que foi traducida a máis de 250 idiomas e dialectos (incluído o braille). Trátase dun espectáculo sobre a amizade, que terá lugar o domingo 23 de abril, ás 17 horas, na planta 2 de Marineda City e a entrada é gratuíta.