Mergullarse no pouso da historia, seguir o eco dos teus pasos e da túa respiración. Crear nun ambiente de lembranzas e de emocións. Contemplar o poder da natureza expandida no curruncho máis remoto. Alimentar a vista coa valentía da humidade inspiradora. Encontrar sons agochados neste territorio acoutado cheo de misterio e de beleza. Correr tras a fugacidade do tempo.

A partir das performances realizadas nas instalacións da fábrica de armas de A Coruña, dirixidas por Gosia Trebacz, atopamos unha serie de videocreacións producidas por ela que encapsulan o instante_ só unha xornada_ de proceso creativo de cada artista participante no experimento AR+arte_terapias alternativas.

Benito Freire, Diego Avendaño, Hermano Lobo son os que nesta ocasión colaboran coa exposición de Gosia, aportando con ela unha parte do seu proceso creativo.

Así, os vindeiros días 14 e 21 de xullo ás 18:30h realizaránse visitas guiadas por Gosia Trebacz (capacidade limitada a 50 persoas).

A reserva de prazas pódese facer chamando ao teléfono 981 189 898 de 8:30 a 14:00 horas, ou presencialmente de 12:00 a 14:00 e de 18:00 a 21:00 horas.