Titularidade: Consellería de Traballo e Benestar

Empresa concesionaria: ASEDUC (Asociación socioeducativa para a educación)

Acceso:

• Sempre que o estableza unha resolución xudicial ou administrativa.
• En situacións de violencia que supoñan un risco para calquera dos membros durante o cumprimento das visitas.

Descrición: servizo que facilita o cumprimento do réxime de visitas establecido pola autoridade competente e favorece o dereito dos menores para relacionarse con ambos os proxenitores e coas súas familias cando, nunha situación de separación, divorcio, ou noutros supostos de interrupción da convivencia familiar, o exercicio do dereito de visitas vese interrompido, ou o seu cumprimento resulta difícil ou conflitivo, garantindo a seguridade e o benestar dos nenos.

Tipos de intervencións que se realizan:

• Entregas e recollidas dos menores.
• Visitas tuteladas.
• Visitas non tuteladas.
• Deseño e desenvolvemento dun programa psico-socio-educativo individualizado.
• Orientación e asesoramento familiar.
• Intervención en negociación e aplicación de técnicas mediadoras.
• Intervencións encamiñadas a reducir o impacto da nova situación familiar e preparar aos proxenitores e os seus fillos para que no futuro as relacións entre eles evolucionen.
• Rexistro e documentación das actividades realizadas.

Normativa:

Decreto 96/2014, de 3 e xullo, polo que se regulan os puntos de encontro familiar en Galicia, publicado no DOG nº 145 do 1 de agosto de 2014.