Os/as proxenitores/as, titores/as ou representantes legais dos/as menores que xa se atopen matriculadas/os na Rede de Escolas Infantís Municipais (REIM) do Concello da Coruña no curso 2024-2025 e que desexen renovar a praza para o próximo curso 2025-2026 terán dereito a reservar unha praza nas datas indicadas (do 13 ao 19 de marzo, ambos os días incluídos), na súa escola infantil.

Para formalizar a reserva de praza deberán presentar na secretaría da correspondente escola a seguinte documentación:

• Modelo de ficha de reserva de praza facilitado pola escola
• Libro de vacinas actualizado
• Calquera outra documentación que a escola considere necesaria para a prestación do servizo

Non poderán solicitar a reserva de praza as persoas que no momento de formalizar a solicitude manteñan mensualides impagadas por algún dos servizos complementarios: almorzos, xantares, ampliacións horarias etc.