Os/as proxenitores/as, titores/as ou representantes legais dos/as menores que xa se atopen matriculados nunha escola da Rede de Escolas Infantís Municipais (REIM) do Concello da Coruña no curso 2024-2025, poderán solicitar o traslado da súa matrícula a outra escola da REIM para o curso 2025-2026, coa condición de que se cumpran os seguintes requisitos:

• Que existan prazas libres na escola á que se quere realizar o cambio.
• Que, no momento da solicitude, tanto o/a menor como os seus irmáns ou as súas irmás estean ao día no pago das mensualidades dos servizos complementarios.
• Que o/a menor teña un irmán ou unha irmá escolarizado/a na escola solicitada e/ou que o/a menor teña necesidades específicas de apoio educativo (NEAE), de acordo co establecido no artigo 26.2.2. do Regulamento de organización e funcionamento das escolas infantís integradas na REIM do Concello da Coruña.

No caso dun/dunha menor con NEAE é necesario que o centro de destino teña algunha praza dispoñible para un/unha menor con NEAE na unidade na que solicita ingresar. Para iso, nas datas indicadas na súa escola infantil, deberá presentar unha solicitude de traslado na secretaría da escola á que se desexa incorporar.

Tras a concesión ou denegación do traslado, formalizarase a reserva de praza no centro no que proceda, para o que as familias deberán presentar na secretaría da escola a documentación que se cita a continuación:

• Modelo de ficha de reserva de praza facilitado pola escola.
• Libro de vacinas actualizado.
• Calquera outra documentación que a escola considere necesaria para a prestación do servizo.