Para proceder a realizar as inscricións como promotor, primeiro deberás darte de alta a través da plataforma municipal Smart City. Unha vez completado este proceso, poderase empezar a formalizar as inscricións para os Xogos Escolares. 

O sistema permitirá a gravación de inscricións todas as veces que se desexe. Con un limite máximo de 60 minutos cada unha delas. Así mesmo, tamén lembrará todas as persoas que inscribas, de forma que nunca terás que introducir a mesma información dúas veces.

Unha vez realizada a inscrición, o sistema enviarache un correo electrónico cos datos das persoas que inscribas, e cunha ligazón por se queres dar de baixa a algunha delas.

Deberase cumprimentar un formulario de inscrición on line para cada un dos equipos que se queiran dar de alta nestes xogos.

O apartado teléfono para cada un dos participantes fai referencia ao teléfono de contacto do pai/nai ou titor legar, e non ao teléfono do menor.

No apartado autonomía do participante deberase marcar unha das tres opcións:

• Ao finalizar a actividade na propia instalación.
• Ao chegar a súa parada de autobús.
• Sen autonomía (o participante nunca poderá irse só).

Os equipos dos ciclos de ESO e Bacharelato deberán ir acompañados durante os encontros por un responsable maior de 18 anos.

Cada centro educativo, ANPA ou promotor/a poderá inscribir tantos equipos como queira, respectando os números de xogadores máximos e mínimos establecidos.