O mércores 21 de setembro ás 18.30 h. na Biblioteca Fórum Metropolitano temos o Obradoiro "Iniciación á robótica", dirixido para nenos e nenas de 9 a 13 anos. Impartido por David Ballesteros de Ceo Aberto.

Neste obradoiro de SomosPro achegarémonos  dun xeito divertido, práctico e moi participativo, ao mundo da robótica.  Os rapaces e rapazas converteranse en científicos, practicando coa creación de Scribbling Machines, pequenos robots capaces de debuxar mediante movementos e vibracións, e iniciaranse na programación dun robot mBot, aprendendo a controlar movementos, sensores e respostas mediante programación por bloques. Deste xeito, o obradoiro permite descubrir de forma accesible algúns dos principios básicos da robótica, a programación e o pensamento computacional.

Agardámoste na Biblioteca Fórum para unha nova aventura de SomosPro!

Actividade con inscrición previa.