O mércores 4 de decembro ás 18.30 h na Biblioteca Fórum Metropolitano temos un obradoiro impartido por Martin Pawley e organizado pola Agrupación Astronómica Coruñesa Ío, presentando o xogo de mesa "Viaxe pola noite iluminada", para nenos e nenas de 9 a 14 anos.

A través do xogo de mesa "Viaxe pola noite iluminada" nesta actividade coñeceremos como a contaminación luminosa afecta a flora e a fauna en todo o planeta.

Aprenderemos xogando o impacto da luz artificial pola noite sobre as árbores, os insectos, as aves e mesmo sobre os animais mariños. A rapazada que se inscriba levará, ademais, o taboleiro de xogo de agasallo.

Aproveitaremos para visualizar o papel das mulleres na ciencia e fomentar a eliminación de estereotipos relacionados coas letras e as ciencias. Agardámosvos na Biblioteca Fórum!"

Actividade con inscrición previa.