O persoal voluntario de Protección Civil estará na Biblioteca Infantil e Xuvenil para explicarnos o  traballo que realizan a diario.

Un taller no que poderán participar as familias para coñecer as técnicas de  primeiros auxilios de  RCP (reanimación  cardiopulmonar) e  DESA ( desfibrilador externo  semiautomático).

Faremos un percorrido polos 36 anos en activo da  agrupación municipal, a través de fotografías, nas que se poderá ver o desenvolvemento das tarefas de prevención en eventos como os partidos do Deportivo, concertos, carreiras populares, así como na procura de persoas desaparecidas,  acompañamentos escolares en bicicleta, ou protagonizando salvamentos.

As e os menores deberán vir en compañía dunha persoa adulta.