Para iso, o elenco chegouse a cambiar ata en 20 ocasións diferentes sendo interpretada polos cómicos máis populares de UK de cada momento. E de aí, o salto a Broadway chegando a contabilizarse máis de 500 producións en todo o mundo… de Estados Unidos e Canadá a Arxentina, de Corea e Islandia a Australia. A comedia foi traducida a 35 linguas… xaponés, chinés, ruso, francés, alemán. Ray Cooney ademais de autor, foi director e produtor de máis de 30 comedias e musicais no West End londiniense. Entre os seus múltiples éxitos destacan, ademais de Run for your wife (Taxi), Whose Life Is it Anyway? (premiada co Tony á produción de Broadway), Children of a Lesser God ou Pygmalion (protagonizada por Peter O'Toole). E segue escribindo e preparando novos proxectos, actualmente está a traballar no musical Twice Upon a Time.