Contos de nunca acabar, disparates, contos con ritmo, con vento, contos que se comen, contos que se cantan... historias varias e variadas, contos curtos, contos longos, en prosa, en verso. Imaxinación con moito humor, xogos de palabras e de mans... un estilo propio de estar sobre o escenario e comunicarse co público... Todo isto e moito máis é "Con la cabeza en las nubes".

É un espectáculo que quere facer que o público familiar faga voar a súa imaxinación e os seus sorrisos. Aquí agardo por ti, comendo un ovo... Eugenia Manzanera quere celebrar que leva nisto da farándula 30 anos.

Uns din que conta máis que actúa, outros que actúa máis que conta, outros que trae moitos trastes, outros que non son suficientes... todos levan razón e ningún a ten. Aínda que a súa traxectoria non se enfocou só ao traballo con obxectos, estes forman parte do seu universo que, xunto coas palabras, as súas maneiras de pallasa, e a súa comunicación directa e bulideira, conforman o seu camiño como creadora.

Permitídelle, respectable público! Que traia na súa maleta algunhas historias, uns cantos monicreques, unha vintena de trastes que formaron parte da súa andaina. 30 anos trasteando dan para moito...

INTÉRPRETE: Eugenia Manzanera

IDIOMA: Castelán

VENDA DE LOCALIDADES

• Venda en liña: Ataquilla.com
• Venda no despacho de billetes do Fórum unicamente días de espectáculo desde unha hora antes (sempre que queden localidades dispoñibles)
• Venda no despacho de billetes central praza de Ourense: de luns a venres de 11.00 h a 15.00 h e de 16.30 a 19.30 h (excepto festivos)