Levan 35 anos enchendo teatros, o que se di pronto se non fose porque fan falta 35 anos para poder dicilo. Tricicle enche teatros, sen altibaixos, durante oito meses de cada ano. O seu público abarca todas as idades e condicións, esquecendo os seus prexuízos na porta para ‘simplemente' pasalo ben durante a función e pasalo ben lembrándoa, xa que moitos dos números de Tricicle convertéronse en memoria popular.

Tricicle presentou BITS no Teatro Principal de Alacante (o 24 de maio de 2012 tivo lugar a primeira función de BITS). Este pode ser o último espectáculo de creación de Tricicle porque eles non pensan eternizarse nos escenarios. Hai que ter en conta que hai BITS para longo: cada xira de Tricicle por España dura máis de catro anos e conta cun millón de espectadores fieis. Seguramente queda a porta aberta a algún espectáculo recompilatorio de gags exitosos para despedirse do seu público, pero faltan por diante máis de 4 anos para decidilo! Falamos de 'seguramente' e de 'posiblemente' porque xa é ben sabido que os artistas non acaban nunca de retirarse…