En colaboración coa Asociación Veciñal Oza-Gaitera Os Castros, o sábado 15 de febreiro ás 12.00 h, inaugúrase a exposición Vente vindo, ven cantando de M d´Outeiro no Fórum Metropolitano. Vente vindo, ven cantando é un intento de achegarse á inmensidade do patrimonio inmaterial do canto tradicional. Estas fotografías confirman, dalgún xeito, a maneira e a forma que temos de expresar os sentimentos, de mirar, relacionarnos coas demais persoas, para recoñecernos como comunidade... Estas fotos son unha maneira de sumarse á celebración da nosa música popular representada este ano 2025 polas cantareiras.

Na inauguración estará presente a música de violín de Tonecho Castelos acompañado do arpista Xosé Álvarez.