A sala de cultura Salvador de Madariaga, situada na rúa Durán Loriga, acolle a exposición "Ssszzziúuu, a melodía das buxainas", unha invitación ao coñecemento deste xogo popular e tradicional e á súa revitalización.

O Concello da Coruña, a través do Departamento de Exposicións, Coleccións e Museos Históricos convida os centros educativos a participar na exposición a través dunha visita guiada seguida dun taller participativo.

Inscrición na actividade

Os centros interesados en asistir deberán realizar a inscrición a través da ficha específica.

As visitas, de aproximadamente unha hora de duración, asignaranse por orde de solicitude, ata cubrírense as prazas.

Máis información na páxina do programa: Visitas guiadas e talleres da exposición "Ssszzziúuu, a melodía das buxainas"