Na última década, o traballo da gran historietista Laura Pérez Vernetti (Barcelona, 1958), pioneira do movemento underground na España dos 80, destaca polo seu achegamento ao mundo da literatura, evocando nas súas viñetas a escritores do talle de London, Rilke, Schwob, Baudelaire, Pessoa, Mayakovski ou Arrabal. Especialmente vangardistas son as obras que se engloban dentro do xénero da poesía gráfica. É dicir, adaptacións ao cómic de poemas das máis ilustres plumas, cuxos versos constitúen o guión das historietas de Laura. Entre outros, Laura dedica dúas novelas gráficas á obra poética de Luís Alberto de Cuenca (Madrid, 1950), titulados Viñetas de plata (2017) e Vive la vida (2022).

Esta exposición que agora chega á cidade da Coruña reúne todos os orixinais do cómic "Vive la vida" e compleméntase cun audio no que se escoitan os 13 poemas que compoñen a mostra, recitados polo propio Luís Alberto de Cuenca, un dos nosos máis lúcidos creadores literarios e acérrimo defensor e amante confeso da cultura pop.

Alén do impactante grafismo de Laura Pérez Vernetti, a medio camiño entre o underground dos 80 e a elegante liña clara, o que fai que "Viva la vida" sexa un traballo sobresaínte é a sensibilidade única coa que a artista capta o universo interior de Luís Alberto de Cuenca. Laura e Luís Alberto son dous titáns que se potencian mutuamente e que, na viñeta, crean auténtica maxia.

Asier Mensuro

Comisario da exposición