STEAMdomus é un programa que busca promover a importancia das artes na educación en ciencia, tecnoloxía, enxeñaría e matemáticas á hora de proporcionar unha educación máis completa e unha visión máis ampla do futuro laboral da mocidade.

O programa é o seguinte:

STEAMdomus escolas: 21, 22, 25 e 26 de setembro. Inscrición previa neste formulario.

• Encontro con profesionais da animación, os videoxogos, a produción audiovisual e a intelixencia artificial da man dos organizadores de Mundos Dixitais, o Congreso internacional de animación, vfx e novos media.
• Participación na escape room "Misión Domus".
• Visita ás salas de exposición da Domus.

STEAMdomus profesorado: mércores 20 de setembro de 17.00 a 20.00 h. Inscrición previa neste formulario.

• Que é a Intelixencia Artificial? Cales son a súas orixes e a súa historia?
• A democratización da IA na sociedade, a converxencia de campos e os modelos multi-modais, e unha nova área de investigación e desenvolvemento, a IA Xenerativa. Como aprende a IA? Aplicacións en distintos campos. Ferramentas e Recursos de IA para a aula. IA Ética. IA e Lexislación.

Ven a STEAMdomus : explora o cinema de animación, os efectos visuais e a intelixencia artificial. Venres 22 de setembro de 18.30 a 20.30 horas. Actividade gratuíta para público xeral a partir de 8 anos. Entrada libre ata completar a capacidade.

Nesta sesión intervirán:

- Mundos Dixitais, organizadores do Congreso Internacional de animación, efectos visuais e nova media, mostrará como é o mundo da animación e os efectos visuais.

- A produtora Emotional Films convidará a falar cos seus avatares en tempo real e a coñecer as súas películas personalizadas ao instante con intelixencia artificial.

- O estudio coruñés Antaruxa, gañador do Goya pola película de animación «Valentina», descubriralle ao público o mundo da animación.

Proxecto subvencionado pola Consellaría de Cultura, Educación, Formación Profesional e Universidades da Xunta de Galicia.