No concurso poden participar grupos de asociacións folclóricas, centros parroquiais, asociacións culturais e recreativas, asociacións xuvenís, etc. Todos os grupos participantes deberán cumprir as bases do concurso, onde se indica que é obrigatorio o uso do traxe tradicional.

Cada grupo terá un tempo límite de 5 minutos, quedando descualificado o grupo que exceda o devandito tempo. O xurado estará formado por persoas alleas á A.C. Xacarandaina e no momento da cualificación terá en conta: a autenticidade e dificultade técnica do baile e a calidade na execución.

O XXXVI CONCURSO DE BAILE TRADICIONAL XACARANDAINA terá lugar o día 5 de xuño no Palacio da Ópera da Coruña en horario de mañá. Ao igual que nos últimos anos haberá tres categorías divididas segundo a idade dos compoñentes.

Achegamos as bases e a folla de inscrición.

O prazo de inscrición xa está aberto e as vías para facelo son:

1. Por correo ordinario, enviando debidamente cumprimentada a folla de inscrición, á dirección postal do local social: A.C. Xacarandaina, rúa Historiador Vedía nº 3, soto 1º, 15004 A Coruña.
2. Por correo electrónico, enviando debidamente cumprimentada a folla de inscrición adxunta, á dirección de e-mail: info@xacarandaina.com
3. A través da nosa páxina web  www.xacarandaina.gal

O prazo de inscrición remata o sábado 28 de maio.

Para calquera dúbida ou consulta podese contactar coa A.C. Xacarandaina por teléfono (981 277 315) ou correo electrónico:  info@xacarandaina.com

VENDA DE LOCALIDADES

Despacho da Pza. Ourense: de luns a venres (excepto festivos) de 9.30 a 13.00 e de 16.30 a 19.30 h

Temporalmente situada no Teatro Rosalia de Castro no mesmo horario.

Despacho do Palacio da Ópera: día do concerto de 11.00 a 14.00 e de 17.00 ata o inicio do concerto

Venda telefónica: 902 044 226 (de luns a venres de 9.00 a 22.00 h; sábados de 14.00 a 22.00 h; domingos de 16.00 a 21.00 h)