EXB, esas siglas que representan a nosa xeración. Non por eses libros que todos recoñecemos dunha ollada, ou dese profesor que nos facía a vida imposible, senón por todo o que leva vivir naquela época.

Desde o recreo coa merenda, pasando polas series programas e anuncios daquela tv con só dúas canles.

Esa época na que o cinema conservaba a súa maxia de exclusividade, e na que pasabamos as tardes pegados ao transistor. Esa época na que tiñas que aprender de memoria os ríos e afluentes de toda a península mentres estabas pendente no radiocasete de gravar a túa canción favorita.

Esa época de pratos Duralex e de Pantera rosa. De pipas Facundo e VHS. De sentarnos en familia a calcular o prezo xusto.

Por iso Yo fui a EGB. La gira! é máis que un concerto, é unha viaxe por todos eses pequenos e grandes recordos. Un show de máis de 5 horas de duración no que volverás sentir o medo que sentiches cando viches O exorcista, cheirarás a flocos de millo vendo o espectáculo de Grease como se estiveses nun cinema de verán, e por suposto cantases ao ritmo de todos os grupos, para vivir ese festival que non se fixo e que por fin podes vivir.

Entradas á venda dende o 28 de decembro de 2022 ás 12.00 h

VENDA DE LOCALIDADES

• Venda en liña: Ataquilla.com
• Venda no despacho de billetes do Coliseum: unicamente o día do concerto desde as 17.00 h
• Venda no despacho de billetes central da praza de Ourense: de luns a venres (excepto festivos) das 11.00 ás 15.00 h e das 16.30 ás 19.30 h