MANUEL MARTÍN-BUENO (Zaragoza, 1946-2026)

O mércores, 5 de agosto faleceu en Zaragoza, a súa cidade natal, o Dr. Manuel Martín Bueno.

Catedrático de arqueoloxía, Epigrafía e Numismática da Universidade de Zaragoza, anteriomente de Córdoba e León, onde dirixiu 48 teses doutorais e máis de 50 proxectos de investigación. Profesor convidado nas universidades de Bolonia, Burdeos, Cambridge, Roma ...

Director do Museo de Calatayud.

Asesor de diferentes gobernos para cuestións de patrimonio cultural, a UNESCO, Consello de Europa ...

O seu labor como arqueólogo foi inxente, con máis de 150 campañas. Lembramos agora as realizadas en Xordania, Tarifa e moi especialmente Bílbilis, a cidade romana que escavou durante décadas e que foron o xerme do Museo de Calatayud.

Será sempre lembrado como o gran impulsor da Arqueoloxía Subacuática do noso país. En Galicia foi director das escavacións do pecio do San Xerónimo, na baía de Cee-Corcubión, cuxas pezas están depositadas no noso centro. Outras das súas escavacións subacuáticas destacadas son as realizadas en Córsega e no Antártico. Foi presidente do Comité Científico de FEDAS e de CMAS

Tamén debemos lembrar o seu labor como subsecretario de Arqueoloxía e Etnografía do Ministerio de Cultura, co ministerio de Javier Solana. É un dos impulsores da Lei 16/1985 de Patrimonio Histórico Español, na que se fixaron as bases do noso sistema.

A súa vinculación co Museo Arqueolóxico e Histórico Castelo de San Antón remóntase a case a nosa fundación. Ademais das diferentes colaboracións puntuais dirixiu varios cursos, espacialmente sobre Arqueoloxía Subacuática. Algúns aínda lembrarán a exposición "Costa da Morte; atopamo-la Historia", sobre o referido pecio do S. Xerónimo. Este agarimo escenificouse recentemente coa cesión da súa biblioteca persoal, no referente a Arqueoloxía, ao noso museo.

Marchou unha das grandes figuras da Arqueoloxía europea e un excelente amigo.

TARIFAS

Compra por internet https://ticketing.coruna.gal/arq/visitsananton/

Entrada xeral: 2,00 €

Entrada reducida: 1,00 €

• Titulares do carné Xove, menores de 14 anos (0-4 anos acceso gratuíto) e maiores de 65 anos.
• Grupos de máis de 20 persoas en visitas previamente concertadas.
• Os días e nos casos que estableza a Xunta de Goberno.

Cota cero:

• Grupos educativos do Municipio da Coruña, en visita previamente concertada.
• Persoas con discapacidade.
• Visitas patrocinadas polo Concello, previa resolución que así o declare.
• Visitas de membros da Asociación de Amigos do Arqueolóxico e de International Council of Museums.
• O día dos Museos (18 de maio de 2014)
• Todos os sábados do ano (festivos inclusive).
• Entrada para os profesores responsables dos grupos, ou guías turísticos no desenvolvemento dos seus taresas previa presentación do seu carné.

HISTORIA

O museo aséntase nunha antiga fortaleza construída no século XVI. Dos séculos XVI ao XVIII foi un edificio defensivo e prisión, máis tarde foi utilizado como lazareto para illar os mariñeiros que chegaban á cidade afectados dalgunha enfermidade infecciosa. O museo como tal inaugurouse en 1.968. Considérase monumento histórico-artístico desde 1.949.

O museo alberga obxectos de arqueoloxía como: ourivaría protohistórica, megalitismo, Idade de Bronce, cultura castrexa, romanización e distintos aspectos da cidade.

O Castelo alberga as seguintes dependencias:

• Biblioteca (Casa Botero).
• Salas de exposicións (planta baixa).
• Salas de exposicións, Sancristía e Capela (planta alta).
• Casamatas (anexos - planta baixa).
• Alxibe (anexos).

DIRECTOR: Jaime Oíza Galán

NORMAS DE ACCESO AO RECINTO

• Os visitantes deben respectar as indicacións do persoal encargado da custodia da exposición.
• Non se permite a entrada de animais domésticos, excepto cans guía.
• Mochilas, paquetes e bolsos grandes deberán depositarse na recepción.
• Non está permitido fumar, incluídos cigarros electrónicos, en todo o recinto, tanto interiores como exteriores.
• Non está permitido comer nin beber en todo o recinto.
• Non está permitido o uso de trípode, brazo de selfie, nin flash no interior do museo.
• Os menores de 16 anos deberán ir acompañados por un adulto responsable do seu correcto comportamento.
• Recoméndase silenciar o seu teléfono móbil durante a visita.
• Debe evitarse a excesiva aglomeración ou o comportamento que poida incidir na deterioración da exposición ou as instalacións.
• Non se deben tocar superficies, pezas ou elementos expositivos, nin sentar no chan ou obstaculizar as zonas de paso.
• En caso de incumprimento destas normas, o persoal de vixilancia ten a obriga de chamar a atención e, chegado o caso, interromper a visita.
• As visitas de grupo deberán solicitarse previamente no teléfono 981189850 ou no correo electrónico: arqueovisitas@coruna.gal
• A venda de entradas limítase 30' antes da hora de peche.
• O desaloxo das salas comeza 10' antes da hora do peche.

VISITA VIRTUAL:

https://estaticos.coruna.gal/sananton/

COMO CHEGAR

Bus Urbano

• Liña 1 - Liña 3 - Liña 3A - Liña 5 - Liña 7 - Liña 17

Parada de taxi

• Enderezo: Paseo Xeneral Sir John Moore s/n C.P. 15001 A Coruña

Aparcabicicletas

• Enderezo: Paseo Alcalde Francisco Vázquez (zona Peirao de Ánimas)