12 de junio de 2020
O concelleiro de Deportes, Juan Ignacio Borrego, asegura que os traballadores da concesionaria Amartya seguiron traballando en programas en liña durante o confinamento e que a subrogación do cadro de persoal das escolas municipais “é un compromiso deste Goberno municipal que comparte, defende e promove o exercicio deste dereito”
A Concellería de Deportes anuncia que as Escolas Deportivas Municipais recuperarán a súa actividade, como é habitual, no mes de outubre para iniciar o curso 2020-2021, respectando as medidas sanitarias que estean vixentes nese momento e cos protocolos que esta concellería está desenvolvendo logo de publicarse no BOE o correspondente decreto.
Segundo o concelleiro de Deportes, Juan Ignacio Borrego, vertéronse informacións por parte dalgúns grupos da oposición que non responden á realidade e que teñen "un indubidable obxectivo electoral que, curiosamente, veñen de partidos con responsabilidades de goberno no Concello, que deixaron sen resolver os asuntos que agora tanto lles preocupan".
Estas escolas cesaron a súa actividade cara ao público por mor das medidas derivadas do Decreto de emerxencia pola crise da Covid-19. Sen embargo, as traballadoras e traballadores das escolas, que pertencen á empresa Amartya, seguiron traballando en programas en liña que tiveron moito éxito, como o "En liña. Actívate na Casa" cuxa páxina web recibiu máis de 150.000 visitas.
Canto á continuidade cadro de persoal destes centros municipais, a Concellería de Deportes está elaborando os pregos que rexerán a licitación do contrato de prestación deste servizo. Juan Ignacio Borrego sinala que "A subrogación dos traballadores e traballadoras nunhas circunstancias como as actuais non só é un dereito laboral, senón tamén un compromiso deste Goberno municipal que comparte, defende e promove o exercicio deste dereito".
O edil de Deportes asegura que "as Escolas Deportivas Municipais nunca estiveron pechadas" xa que "cando se decretou o estado de alarma cesaron as actividades, pero o cadro de persoal seguiu ocupándose do seu mantemento e atendendo as súas obrigas". Así mesmo, asegura Borrego, "as actividades deportivas promovidas por clubs e federacións vanse poñendo en marcha segundo se van recibindo as solicitudes e previa comprobación de que se están a cumprir os protocolos derivados da Covid-19".
Canto ao programa Coruña en Forma, o titular de Deportes asegura que "se descartou a finais de marzo debido a que os protocolos de seguridad non permitían o seu desenvolvemento" e que se trata dunha iniciativa desenvolta por varias empresas de servizos deportivos. Ademais, agarda que o vindeiro verán "as circunstancias sanitarias permitan volver poñer en marcha Coruña en Forma".
13 resultados
El 18 de abr de 2024
A concelleira de Medio Ambiente, Noemí Díaz, fíxolle entrega das bolsas individuais, tamén dispoñibles para a súa recollida no Centro Cívico
El 16 de abr de 2024
As persoas interesadas en apuntarse a esta proba e ao conxunto do circuíto poderán facelo ata o 5 de maio
El 7 de abr de 2024
O concelleiro de Deportes, Manuel Vázquez, participou no acto de entrega de premios ás e aos gañadores
El 13 de mar de 2024
A Coruña foi a única cidade galega en crear unha oficina específica de atención ás persoas que fuxían da invasión rusa
El 5 de mar de 2024
As persoas interesadas poden participar no conxunto das sete carreiras ou apuntarse para a XII Carreira Popular da Torre do próximo 23 de marzo
El 25 de feb de 2024
A alcaldesa, Inés Rey, presidiu a entrega de medallas aos gañadores
ver más
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible